எ - து: ¹கைம்மிக ஆயர்மகனையுங் காதலித்தலையுடையையாய்க் ¹கைம்மிகயாயையும் அஞ்சியிரா ²நின்றாயாயின், இனி நீயுற்ற காமநோய்க்கு மருந்து அரிதென்றாள். எ - று.

அரோ, அசை.

எ - து: அதுகேட்ட தலைவி, ஏடீ! யானுற்ற வருத்தத்திற்கு மருந்தில்லை யாயின், இனி வருந்தியே விடுவேனல்லனோ என்றாள். எ - று.

எ - து: அதுகேட்ட தோழி, இனி வருந்தாதேகொள்; கழுவி அழுக்கற்ற நின்னுடைய மயிரிடத்தே ஏற அவன் கண்ணியைத் தந்ததென்று பிறர் சொல்லக் கேட்டு, தந்தையோடே தமையன்மாரெல்லாரும் சேரக் கூடியிருந்து, தெய்வமாகிய மால் இவளுக்கு இவனைத் ⁴திண்ணிதாகக்கொண்டு வந்து காட்டிற்றென மகிழ்ந்து, நின்னை அந்தக் களவொழுக்கத்தைப் பிறர் அறியாமல் ஒழுகவல்ல பொதுவனுக்கு அடுத்தலைச்சூழ்ந்தார் காணென்றாள். எ - று.

லாகும். பதிப்பில் ஞகரம் யகரமாக மாறியதனால் ஞயமாறிக்கிடந்த இப்பகுதியைத் திருத்தி யின்புறுத்தியது தமிழ்நெறி விளக்கமே. யாயென்பது தன்மையொடடுத்த முறைப்பெயரென்பதுமட்டும் தொல்காப்பிய உரைகளிற் குறிக்கப்பட்டுள்ளது; ஞா யென்பது முன்னிலையொடடுத்த முறைப்பெயராதலை (ஆ) "ஞாயர் பயிற்ற" (இ) "ஞாயர்பா லுண்டி" (ஈ) "ஞாயர்மாட்டைப்பால்" கலி. 81 : 12; 85 : 28, 36. என இந்நூலிற் பலவிடத்தும் வருதலும் வலியுறுத்தும். இவை இவ்வரம்புகடந்துதாயென்னும் பொருளிலும் வருதலுண்டு.

1. "மாசற மண்ணுற்ற மணியேசு மிருங் கூந்தல்" கலி. 77 : 16. என்பதும் அதன் குறிப்புக்களும் பார்க்க.

2. "அவன்கண்ணி நீபுனைந்தா யாயி னமரு, மவன்க ணடைசூழ்ந்தார் நின்னை" கலி. 115 : 17 - 18.

(பிரதிபேதம்)¹கைமிக, ²நின்றாய் இனிநீ, ³பொதுவர்க்குடை, ⁴திண்ணியதாக.