எ - து: என்று, பின்னும் முதற்சூல்கொண்ட பசு, இல்லிடத்தினின்றுந் ¹தூரிய இடத்தில் இடப்படாத வளைந்த தொழுவினுள்ளே கட்டிவைத்த தன் கன்றிற்குப் பொழுது விடிந்த காலத்திலும் மேயப்போகாது சூழ்ந்துதிரியும்; அந்நாகு போலே நின்னைக் கண்டு என்னெஞ்சு நாடோறும் (1)நடுங்குகின்ற வருத்தத்தை உற்றதுகாணென்றான். எ - று.

எ - து: ²என்று பின்னரும் என்னிடத்து ³எந்நாளும் வருத்தம் மிகுகையினாலே அளித்தக்க என்னுடைய உயிர் மருந்தையிட்டு நெய்யைக் கடைந்து வாங்கின பாலிடத்து நுகர்வார்க்குச் சிறிதும் ⁴பயன்படுதலில்லையாய் அவர்கைசென்று தோய்ந்து விடுகின்ற அளவாய்விட்டது; அதுவும் ஒழிய மேல்தான் செய்வதோர் செயலையும் அறியாதென்றான். எ - று.

என்றதனால், நீ என் உயிரிடத்துள்ள நன்மையை ஒருவழியாலே வாங்கிக்கொண்டு விட்டாயென்றும் அது பின்னர் நீ பயன் கொள்ளுங் காலத்து நினக்கு ஓர் இன்பந் ⁵தருதல் ஆற்றாதென்றுங் கூறினானாயிற்று.

சூன் மடப்பிடி" அகம். 78 : 6. என விலங்குகட்கும், (ஈ) "கடுஞ்சூன் மகளிர்" மது. 609 (உ) "கடுஞ்சூற் சிறுவன்" (ஊ) "கடுஞ்சூன் மகளே" ஐங். 309, 386; (எ) "கடுஞ்சூன் மகளிர்" மணி. 7 : 82. என மக்கட்கும் கூறப்படுதலுமன்றி, (ஏ) "கடுஞ்சூல் முண்டகங் கதிர்மணி கழாஅலவும்" சிறுபாண். 148. என ஓரறிவுயிர்க்குங் கூறப்படுகிறது.

1. "நடுங்கஞர் - நடுங்குதற்கு ஏதுவாய அஞர்" கலி. 53 : 18; குறள். 1086. உரைபார்க்க.

2. நாகு, ஈண்டு இளமை யென்றது: நாகென்பதனை, (தொல். மர. சூ. 3. ) பெண்பாற் பெயராகக் கொள்ளாது (தொல். மர. சூ. 26.) இளமைப் பெயராகக்கொண்டு இளமையையுடைய கன்றென்று பொருள்கொள்ள வேண்டுமென்று கருதிப்போலும்; இஃது இப்பொருளில் வருவது "நல்லாவின் கன்றாயி னாகும் விலைபெறூஉம்" (நாலடி. 115.) என்பதனாலும் அறியலாகும்.

3. பாலைக்காய்ச்சாமலே இயந்திரத்தினுதவியால் அதிலுள்ள வெண்ணெயை யெடுத்துவிட்டு, சென்னை முதலிய இடங்களில் விற்கும் பால் உண்பவர்க்குப் பயன்படாமை இங்கே அறிதற்பாலது.

(பிரதிபேதம்) ¹தூரிய இடப்படாத, ²பின்னரும், ³எந்தநாளும், ⁴பயன்படுதலில்லையாய வாசைசென்று, ⁵தருமாதலாற்றாதென்றும்.