எ - து: (3) பொன்னையுடைய அத்தகிரியிலே ஞாயிறு சென்றுசேர, அஞ் ஞாயிறு ²உடனேபட, ஞாயிறின்றி வருந்தின உலகைநோக்கி உலகங்கொண்டாடும்படியாகத் தகைமையினையுடைய மதி எழாநிற்க, செக்கர்வானத்தைக் கொண்ட அந்திக்காலத்தின்கண்ணே, (4) முக்கோலைக் கையிலே கொண்ட அந்தணர் முதியமொழியை நினைக்கின்றவர்களைப்போலே, இனமான நாரைகள் ஆரவாரத்தைக் கைவிட்டு இடுமணன்மேலே இறுத்தலைச் செய்யும் இலங்குகின்ற நீரையுடைய சேர்ப்பனே! எ - று.

(5) அந்தணர், காஷாயம் போர்த்த குழாங்கள். முதுமொழி - பிரணவம். பெரியநாரைசிறகுசிவந்திருத்தலானும்மூக்குத் ³தரையிலேசென்று ⁴குத்துதலானும் அதனை முக்கோலை ஊன்றியிருந்தஅந்தணரோடு ⁵ஒப்புரைத்தார்.

(6) நாரை பகற்பொழுதெல்லாம் பல்லுயிர்க்கு வருத்தஞ்செய்து இரை கவர்ந்து அந்திக்காலத்து ஓர் ஆரவாரமின்றித் தீங்குசெய்யாதாரைப் போலே

1. “தினக ரன்கரந் திகழ்க மண்டலம், பனிகொள் செக்கர்தம் படமதாகவே, யினிய வந்தனைக் கெறியும் வேலைசேர், புனித ரொத்ததப் புன்கண் மாலையே” வில்லி. சூதுபோர். 142.

2. “இலங்குநீர்ச் சேர்ப்ப” கலி : 125 : 15.

3. “அத்தமென்னும், பொன்னஞ் சிலம்பு கதிரோன் மறைதலும்” இறை. சூ. 18. மேற்கோள்.

4. இந்நூற்பக்கம் 58 : 2 - ஆம் குறிப்புப் பார்க்க.

5. “சிறுமீன் கவுட்கொண்ட செந்தூவி நாராய்” ஐந் - எழு. 68.

6. “கூர்வாய்ப் பறைதபு பெருங்கிழ நாரை, வஞ்சனை தூங்கி யாரலுண்ணு, நீங்காப் பழன்ப் பெருநகர்க் கூடல்” கல். 39 : 2 - 4.

(பிரதிபேதம்) ¹ததைமதி, ²உடனேபட்டு, ³தறையிலே, ⁴குத்துதலானுமுக்கோலை, ⁵ஒப்புத்தார்.