லழலவிர் வயங்கிழை யொலிப்ப ¹வுலமந்
தெழிலெஞ்சு மயிலி னடுங்கிச் ²சேக்கையி
னழலா கின்³றவர் நக்கதன் பயனே

எ - து: தோழீ! நம்முடைய(1) நாணை நம்மிடத்தே நிறுத்துதலைச் செய்வாமென்று உணர்ந்திருத்தல் அரிது; அதற்குக் காரணமென்னெனில் வேட்கை பெரியதாயிராநின்றது; அதனாற் றேய்ந்த உயிர் மிகச் சிறிதாயிராநின்றது; நமக்கு வருத்தத்தைத் தருதலையுடைய யாமங்களும் பலவாயிராநின்றன; அவ்வியாமங்களிற் றுயிலாதபடி துணையைப் பிரிந்து வருந்தி நம்மோடு உசாவும் அன்றில்களும் சில உளவாயிராநின்றன; ஆதலான் அவ்வுயிர் தாங்குதல் அரிது; முடிவில் அவர் நம்மோடு கூடியதனாற் பெற்றபயன் (2) பீலி உதிர்ந்த மயில்போலே பொலிவழிந்த நாணத்தால் நாம் நடுங்கச் சேக்கையிலேகிடந்து ⁴உடம்பு நெருப்பிலே ஓடவைத்த பொன்னாற்செய்த சிலம்புமுதலியன ஒலிக்கும்படி உலமர நமக்குக் காமத்தீ உண்டாகாநின்றதொன்றுமே. எ - று.

உலமர, நடுங்க எனத் ⁵திரிக்க.

எ - து: அவர் நெஞ்சுபோல் வலியுடைத்தன்றி நம்முடைய வலியில்லாத நெஞ்சு வருத்தம் மிகும்படி தாம் நின்னிற்பிரியே னென்று தெளிவித்த சொல்லால் வருத்தினமையல்லாது அவர் நம்மைப் பண்ணவல்லவனாலே பண்ணப்பட்ட (4) வடிவமைந்த கடிய விசையையுடைய (5)வில்லினால் எய்தற்றொழிலைச் செய்தலோ உடையரல்லர்; ஆயினும் ஆயிழாய்! அவர் தெளிவித்த சொல்லாற் பிறந்தநோய் மிகவும் வில்லினுங் கடிதாயிராநின்றது. எ - று.

1. “எழுந்த நாணு மிச்சையுந் தினம்போ ராடி, யகழ்தர நாணந் தோற்ற தாசையே வென்றதம்மா” திருக்குற்றாலத். புராணவியல்பும். 13.

2. “காமர் பீலி யாய் மயில்” அகம். 358 : 2.

3. “வல்லவன் றைஇய பாவைகொல்” கலி. 56 : 7.

4. வடிவு-வார்த்தல்; “வேல்வடித்துக் கொடுத்தல் கொல்லற்குக் கடனே” புறம். 312 : 3.

5. வில், ஆகுபெயராய் அம்பை உணர்த்திற்றெனினும் ஆம்; “வில்லின் மாரியின் வீரன் விலக்கினான்” கம்ப. தாடகைவதை. 17.

(பிரதிபேதம்)¹உலம் வந்து, ²சேக்கையுள், ³அவனக்கதன், ⁴உடம்பு சிலம்பு முதலியன, ⁵திரிக்க, அழலவிர் லயங்கிழை - நெருப்பிலே யோடவைத்த பொன்னாற்செய்தவிழைமெல்லிய, ⁶அல்லாதவர் நம்மை, ⁷கொடிதவர்