எ - து: அது கேட்ட தோழி யான் கூறிய குற்றம் ¹இதுவோ? இனி இது செய்யும்படியைச் சுருங்கக்கேள், நின்னோடு யான் இதனை ஆராயுங்காலத்து நீயும் (1)நாணத்தால் நிலத்தைக்கீறி என்னுடனே வேறுபட்டுநின்றநிலை செய்தற்கு எளிதன்றோ? இந்நிலையைப் பின்னை அவன் தன்னுடனே நின்று பார்த்து நின்னாற்செய்தலரிதன்றோ? என்றாள்;
எ - று.

இஃதோவென்றாள், “உடம்பட்டா ளென்னாமை யென்மெய் தொடு” என்றதனை. ஓகாரம், இது குற்றமன்றென மறையுணர்த்திற்று.

இதனால், தலைவிக்குப் புணர்ச்சியுவகை தோன்றிற்று.

²இஃது, எல்லா வெவன்செய்வாமெனவும்இஃதோ வடங்கக்கேளெனவும் வழியசைபுணர்த்த சொற்சீரடிகள் வந்து ஐஞ்சீரடுக்கிய வெண்பாக்களும்வந்த வெண்கலிப்பாட்டு. (28)

1. (அ) “களவுடம் படுநரிற் கவிழ்ந்துநிலங் கிளையா, நாணிநின்றோள்” அகம். 16 : 15 - 6. (ஆ) “சரணப் பெருவிரலா லொல்கிநின்று நிலங்கீறி, மைத்த குழலாண் மற்றவன்முன் மலர்மேன் மடந்தை யென நின்றாள்” இராமா. வரையெடுத்த. 9. (இ) “கெண்டை யுண்கணும் புறவடி நோக்கமண் கிளைத்துமின் னெனநின்றாள்” திருவிளை. திருமணப். 43.

(பிரதிபேதம்)¹இதுவே இனி, ²இது நல்லாயெவன் செய்வாயென வழியசைப்புணர்தத சொற்சீரடியும் வந்து.