தன்னுயிரைப் பாதுகாக்குமாறு போல உலகத்துப் (1) பெரிய உயிர்களை எல்லாம் தழீஇப்பாதுகாக்கும் இம்மன்னனும் எனக்கினிய உயிரை ஒப்பானைக் காட்டி என்னுயிரைச் சிறிதொன்றுங் காவாதிருக்கின்ற தன்மை என்னபயனைக் கருதியோ ¹வென்றுங் கூறினாளென்று கூறும்படியாக நிலைபெற்றகாமநோயாலே ²அங்ஙனம் மயக்கங்கொண்ட மனத்தையுடையவள் பலமலைகளைக் கடந்துபோனவன் வரைவொடுவந்து பணிந்து தன்னடியைச் சேர்கையினாலே பாண்டியனை உறவாக அவன் மனத்தைத் தெளிவித்த தேயத்திலுள்ளவர் இன்பமுற்று வாழுமாறுபோல அவனால் இழந்த நலத்தை ³இனிய அகமகிழ்ச்சியோடு எய்தினள்; இஃதென்னவியப்போஎனக் கண்டார்கெண்டு கூறிற்றாக உரைக்க. எ - று.

‘சென்றுசேட்பட்ட தென்னெஞ்சு’ என்னுந் துணையும் கூறத்தகாதன கூறலின் மடனிறந்தவாறும் ‘நெடுமென்றோள்’ ‘நீரலர் நீலம்’ ‘இளமுலை’ என்பனவற்றான் மிகுதியிறந்தவாறும் ‘வழிபட் டிரக்குவேன் வந்தேன்’ என்(பதனால்) வருத்தமிறந்தவாறும் யாண்டுமுடையே னிசை’ என்பதனால் வியவாமையின் மருட்கையிறந்தவாறும் உணர்க.

இது கண்டார்க்கு ⁴அவளாக்கங்கண்டு மருட்கை பிறந்தது.

நெய்தனெறித்தல் முதலியன (2) திருவினாற் காமக்குறிப்புப்பிறந்த ஒப்பு; இவை குடிப்பிறப்பினை அறிவித்துக் காமக் குறிப்பினை நிகழ்த்தலின்.

இஃது ஐஞ்சீரடுக்கிவந்த கலிவெண்பாட்டு. (26)

1. ‘‘பெரியத னாவி பெரிது’’ பழமொழி. 1.

2. ‘‘நெய்தனெறிக்கவும்........றேளாள் பவ னென்பது திருவினாற் காமக்குறிப்புப் பிறந்தவாறு; என்னை? இனையன வல்லனாதல் செல்வக்குடிப்பிறந்தாரை அறிவிக்குமாகலின்; அது காமக்குறிப்பினை நிகழ்த்துமென்பது. இது தலைமகட்கும் ஒக்கும்’’ என்பது தொல். மெய்ப். சூ. 25. பேராசிரிய ருரையிலும் காணப் படுகின்றது.

(பிரதிபேதம்)¹என்று கூறினாள், ²இங்ஙனம், ³இனியமகிட்சி, ⁴அவராக்கம் பிறந்தது மருட்கை.