திணை: அத. துறை: இயன்மொழி. சோழன் நலங்கிள்ளியைக் கோவூர்
கிழார் பாடியது.

     உரை: மாக விசும்பின் வெண்டிங்கள் - மாகமாகிய விசும்பின்கண்
நிலவும் வெண்மதியம்; மூவைந்தால் முறைமுற்ற - பதினைந்துநாள் முறையே
முதிர; கடல் நடுவண் கண்டன்ன - கடலின் நடுவின் அதனைக் கண்டாற்
போன்ற; என்இயம் இசையா மரபேத்தி - எனது இயமாகிய தடாரிப்பறையை
யறைந்து முறையே அவனுடைய புகழ் பரவினேனாக; கடைக்கங்குலால் -
இரவின் கடையாமமாகிய விடியற்காலத்தில்; பலர் துஞ்சவும் தான் துஞ்சான் -
பலர் உறங்கவும் தான் மட்டில் உறங்கானாய்;உலகு காக்கும் உயர் கொள்கை
- உலகத்தைக்  காக்கும்  உயர்ந்த  கொள்கையையுடைய; எந்தை - எம்
தலைவன்; கடைத் தோன்றிய என் தெண்கிணைக் குரல் கேட்டோன் - தன்
நெடுமனை முற்றத்தில் நின்று இசைத்த எனது தெளிந்த - கிணைப்பறையின்
ஓசையைக் கேட்டாய்; கேட்டற்கொண்டும் கேட்டதனால்;வேட்கை தண்டானது
- என்பால் உண்டான அருள் குறையாமல்;  தொன்றுபடு  சிதாஅர்  மருங்கு
நீக்கி - பழைமையுற்றுச் சிதர்ந்த  பீறிய  என  அரைிலிருந்த  உடையைக்
களைந்து போக்கி;கலிங்கம் அளித்திட்டு - புத்தாடை தந்து உடுப்பித்ததுடன்;
என் அரை நோக்கி - அதனை யணிந்து பொலியும் என் அரையைத் தான்
பார்த்து மகிழ்ந்து; மிகப்பெருஞ் சிறப்பின் வீறுசால் நன்கலம் - மிகப்பெரிய
சிறப்பினையுடைய வீறமைந்த நல்ல கலன்களை;...நாரரி நறவின் நாண்மகிழ்
தூங்குந்து   -  நாரால்   வடிக்கப்பட்ட   கள்ளையுண்ட   நாடோறும்
மகிழ்ந்சிமிகும்;...   பதிப்பழகவும்     போதறியேன்    -     அவன்
ஊர்க்கண்ணேிருந்தேனாகக் கழிந்த நாட்களை அறியேனாயினேன்;
தன்பகை கடிதலன்றியும் - தன்னை