காணலாம். நிலையாத வாழ்வினைத் தந்து நிலைத்த வாழ்வினைக்
கொள்ளுதல் பேரூதியமான வாணிபமுமாம். “தந்ததுன் றன்னைக்
கொண்டதென் றன்னைச் சங்கரா வார்கொலோ சதுரர்?“ என வாதவூரடிகள்
அருளியபடி, முளைத்த நெல்லும், ஓட்டைவீடும், குறும்பயிரும் கொண்டு,
இங்குச் சாவா அமுதமும், நிலைத்த வீடும், நெடுநிதியமும் தந்த இச்சரிதம்
உலகர்க்கு அருங்கற்பனை கற்பித்தாள்வதொன்றாகும்.

     11. சிவனடியார் பூசை இவ்வுலகத்திலேயும் எல்லாச் செல்வங்களையும்
தரும் (444); அம்மையிலே பேரின்பமுந் தரும் (465). “இம்மை வானவர்
செல்வம் விளைத்திடும்; அம்மை யேற்பிற வித்துயர் நீக்கிடும்;“
(திருக்குறுந்தொகை - திருவிடைமருதூர் - 4) “இம்மை யேதருஞ் சோறுங்
கூறையும் ஏத்தலாமிடர் கெடலுமாம். அம்மையே சிவலோக மாள்வதற்
கியாது மையுறவில்லையே“ (நம்பிகள் - கொல்லி - திருப்புகலூர் - 1) என்ற
தமிழ் மறைகளிற் கண்ட உண்மைகள் அரன் பூசைக்குரியன. அதுபோலவே
அரனடியார் பூசைக்கு முரித்தாயினவாம்.

     12. சிவனடியார்வேடங்களைச் சிவனெனவே கொண்டு
வழிபடுதல்வேண்டும். “நேயமலிந்தவர் வேடமு, மாலயந் தானு மானெனத்
தொழுமே“ - சிவஞான போதம் 12-ம் சூத்திரம். இதன் தத்துவத்தை
மேல்வருஞ் சரிதத்தினுங் காண்க. அடியார்பூசை யளிக்கும் முறையினை
இச்சரிதத்தினின்றும் உலகம் உணர்ந்தொழுகி யுய்வதாக.

468.	அரசிய னெறியின் வந்த வறநெறி வழாமற் புல்லி
	வரைநெடுந் தோளால் வென்று மாற்றலர்                          முனைகண் மாற்றி யுரைதிறம் பாத நீதி யோங்குநீர் மையினின்                                  மிக்கார் திரைசெய்நீர்ச் சடையா னன்பர் வேடமே சிந்தை                                 செய்வார்.	2