தொகை

                           வகை

விரி

     புராணம் :- பெருமையுடைய கஞ்சாறூரில் வாழ்ந்த பெரியோருடைய
சரித வரலாறும் பண்பும் கூறும் பகுதி. இனி, நிறுத்த முறையானே
இலைமலிந்த சருக்கத்தில் ஐந்தாவதாகிய மானக்கஞ்சாற நாயனார் புராணங்
கூறத் தொடங்குகின்றார்.

     தொகை :- மலையின் தன்மைபோன்ற தன்மை மிகுந்த
தோள்களையுடைய வள்ளலாகிய மானக்கஞ்சாற நாயனாருடைய
அடியார்க்கும் அடியேன் ஆவேன்.

     மலை - இங்கு ஆகுபெயராய் மலையின் தன்மைகளைக் குறித்து
நின்றது. அவை உயர்ச்சி, வலிமை, பெருமை, நிலையிற்றிரியாமை,
"வறப்பினும் வளந்தரும் வண்மை" முதலியன. மலிதல் - மிகப் பொருந்துதல்.
தோள்களின் பெருமை முதலியவற்றால் இவ்வாறு உவமையணி பொருந்தக்
கூறினார். இவர் "அரசர் சேனாபதியாஞ் செப்பவருங் குடிவிளங்க" (872) என
விரிநூல் கூறுதலின் சேனாபதித் தன்மைக்கேற்ப உயர்ந்த வலிய பெரிய
தோள்களை யுடையவர் என்று இக்கருத்தை விரிநூல் விரித்துக்கூறியது
காண்க. ஆண்டுரைப்பவையும் பார்க்க. வள்ளல் - வரையாது கொடுப்போன்.
இது இவரது சரித நிகழ்ச்சி குறித்தது. இதனை "அலச மெனக்கரு தாதவள்
கூந்த லரிந்தளித்தான்" என்றும், "வள்ளலே" என்றும் வகை நூல் பேசிற்று.
"வண்புகழ்" (865), "பொருள் செய்தாமெனப்பெற்றே னெனக்கூந்த லடியிலரிந்து
... மலர்க்கரத்தி னிடைநீட்ட" (895), "ஒரு மகள் கூந்த றன்னை வதுவைநா
ளொருவர்க் கீந்த பெருமையார்" (902) என விரிநூல் விரித்துக் காட்டிற்று.
மானம் - பெருமை. பெருமையார் (902)