கழியொடுலவு கானல்சூழ்
     காழிஞான சம்பந்தன்
பழிகள்தீரச் சொன்னசொற்
     பாவநாச மாதலால்
அழிவிலீர்கொண் டேத்துமின்
     அந்தண்கோவ லூர்தனுள்
விழிகொள்பூதப் படையினான்
     வீரட்டானஞ் சேர்துமே.           11

          திருஞானசம்பந்தர் புராணம்

கோவல் நீடிய வீரட்டம் அமர்ந்தவர் குரைகழல்
     பணிந்தேத்தி
ஆவின் ஐந்துகந் தாடுவார் அறையணி நல்லூரை
     அணைந்தேத்திப்
பாவ லர்ந்தசெந் தமிழ்கொடு பரவுவார்
     பரவுசீர் அடியார்கள்
மேவும் அன்புறு மேன்மையாந் தன்மையை விளங்கிட
     அருள்செய்தார்.

                                 -சேக்கிழார்.