|
2593.
|
மாறு
தன்னொடு மண்மிசை யில்லது
வருபுனன் மாகாளத்
தீறு மாதியு மாகிய சோதியை
யேறமர் பெருமானை
நாறு பூம்பொழிற் காழியுண் ஞானசம்
பந்தன தமிழ்மாலை
கூறு வாரையுங் கேட்கவல் லாரையுங்
குற்றங்கள் குறுகாவே. 11
திருச்சிற்றம்பலம்
|
11. பொ-ரை:
இவ்வுலகில் தன்னொடு ஒப்புக்கூறத்தக்க தலம்
ஒன்றும் இல்லாத மாகாளத்தில் உறையும் ஆதியும் அந்தமும் இல்லாத
சோதியை, விடை ஏறும் பெருமானை, ஞானசம்பந்தன் போற்றிப் பாடிய
தமிழ்மாலையைக் கூறி வழிபடுவோரையும், கேட்போரையும் குற்றங்கள்
குறுகா.
கு-ரை:
மண்மிசை தன்னொடு மாறு இல்லது-இப்பூமியில் தன்னுடன்
ஒப்புக்கூறத் தக்கது வேறு யாதும் இல்லாதது. ஈறும் ஆதியும்-அநாதி
நித்தமுத்த சுத்த சித்துருவாகிய பரசிவம் உயிர்கட்கு அருளற்பொருட்டு
ஆதியும் அந்தமும் ஆகி உபகரித்தல் குறித்தது. ‘ஆதியும் அந்தமும்
ஆயினார்’ (திருவாசகம் 214.) இறைவன் ஏறுவதால் ஏறு எனப்
பெயர்பெற்றது எனல் இதுபோலும் இடங்களில் பொருந்துவதே.
|
திருஞானசம்பந்தர்
புராணம்
அம்பர்
மாநகர் அணைந்துமா காளத்தில்
அண்ணலார் அமர்கின்ற
செம்பொன் மாமதிற் கோயிலை வலங்கொண்டு
திருமுன்பு பணிந்தேத்தி
வம்பு லாமலர் தூவிமுன் பரவியே
வண்டமி ழிசைமாலை
உம்பர் வாழநஞ் சுண்டவர் தமைப்பணிந்
துருகும் அன் பொடுதாழ்ந்தார்.
-சேக்கிழார்.
|
|