பதிக வரலாறு:

     நாகைக் காரோணத்தை வழிபட்டுவருங் காழிவேந்தர் கீழ்வேளூர்
விமலரையுந் தரிசித்துப் பாடியது இத்திருப்பதிகம்.

                   பண்: நட்டராகம்

                   திருச்சிற்றம்பலம்

     1. பொ-ரை: மின்னலைப்போல ஒளிவிடும் சடையினரும்,
விடைஊர்தியரும், அரவாபரணரும் இசையமைப்புடைய வேதங்களை
ஓதிய நாவினரும், நீலகண்டரும் பொன்போன்ற கொன்றைத் தாரினரும்
ஆகிய புகழ்மிக்க கீழ்வேளூர் இறைவரை நினைக்கும் நெஞ்சினர்க்கு
வினைகள் நீங்க வீடு கிட்டும்.

     கு-ரை: உன்-உன்னுதல். திருக்கீழ்வேளூரை நினைப்பவர்க்கு
வினையில்லை. வீடுண்டு என்று அருளியது, இவ்வூர்ப்பெருமான்
திருப்பெயர் கேடிலியப்பர் என்பதன் உண்மைப் பொருளை உலகோர்க்கு
உணர்த்துவதாகும்.

     2. பொ-ரை: கங்கை சூடிய சடையின்கண், அரவு, மதி, தலைமாலை
ஆகியவற்றை அணிந்து, கச்சணிந்த தனங்களை உடைய