இயலாதவனும், பஞ்சு போன்ற மென்மையான அடிகளை உடைய பார்வதி
பாகனும், செஞ்சொற் புலவோர் பரவும் புகழ்மிக்க கீழ் வேளூரில் விளங்கும்
நஞ்சணிந்த கண்டனும் ஆகிய பெருமானைச் சென்றடையுங்கள். துன்பங்கள்
நம்மை அடையா.

     கு-ரை: கடல்-பாற்கடல். காண்பு-பார்வை. ‘காண்பினொடு
நேத்திரங்கள் பணித்தருள வேண்டும்’ கண்கள் காண்பு ஒழிந்து’ 2.97-5.

     10. பொ-ரை: மழித்த தலையினரும், நிலையற்ற சொல் செயல்
உடையவரும் துவரூட்டிய ஆடையரும் ஆகிய சமண புத்தர்களின்
பெருமையற்ற சொற்களை விரும்பாதீர்; வண்டுகள் ஒலிக்கும் சோலைகள்
சூழ்ந்த கீழ்வேளூர்ப் பெருங்கோயிலில் விடைக்கொடியனாய் விளங்குபவனும்
அந்தமில்லாத ஆனந்தத்தை அருளும் பெரியவனுமாகிய சிவபெருமான்
திருவடிகளை வழிபடுங்கள். அதுவே சிறந்த தவமாகும்.

     கு-ரை: சீறு-முதனிலைத் தொழிலாகுபெயர். சீவரார்-துவரூட்டிய
சீலையர் (தேரர்). வீறு-பெருமை, வெற்றியுமாம். பேறு-ஆன்மாக்களுக்குரிய
பேறு (சிவானந்தம்). பேறு உலாவிய பெருமையன். ஆனந்தம் நிகழும்
பெருமையையுடைய பரமசிவன்.