மழலை வீணையர்-‘மிக நல்ல வீணைதடவி’, பாதத்தால் சுழலும்
மாந்தர்கள் - திருக் கோயிலை வலம் வரும் அன்பர்கள். தொல்வினை-
சஞ்சித கர்மம்.

     10. பொ-ரை: அறிவில்லாத சமணரும் சாக்கியரும் தவம் புரிந்து
கொண்டே அவம்பல செய்கின்றனர். அவர் கூறும் நெறியலா உரைகளைக்
கேளாதீர். வலஞ்சுழி இறைவனைப் பிரியாத அடியவர் பெறும் கதிகளைப்
பேசினால் வரும் பயன்கள் அளத்தற்கு அரியனவாகும்.

     கு-ரை: தவம் புரிந்து அவம் செய்தல்-மேற்கொண்ட தவத்திற்கு
ஒவ்வாத பாவச்செய்கையை உடையராதல். நெறி அல்லாதவற்றைப்
போதிப்பர். தேறல்மின்-தெளியத்தக்கன அல்ல என்று தெளியாது ஒழிமின்.
பிறிவு இல்லாதவர்- இடைவிடாமல் வழிபடும் அடியர்.

     11. பொ-ரை: மாதொருகூறனை, திருவலஞ்சுழியில் விளங்கும்
மருந்து போல்வானை, காழி ஞானசம்பந்தன் பாடி ஏத்திய
இத்திருப்பதிகத்தை அன்போடு இசைகூட்டிப் பாடுவார். அதனைக்
கேட்பார் ஆகிய அடியவர்களை வினைகள் சாரா. இம்மை, மறுமை
எப்போதும் வருத்தம் வந்து அவர்களை அணுகா.

     கு-ரை: கூறன்-பாகத்தன். மருந்து-பிறவிநோய் தீர்க்கும்