நின்றுண்ணும் மரபினர்களாகிய சமணரும், கூறும் அறியாமை உரைகளைக்
கேளாதீர். மதம் பொருந்திய யானையை அஞ்சுமாறு செய்து அதன் தோலை
உரித்துப் போர்த்தவர் ஆகிய, மாதோட்டத்துள் பாலாஒவியின் கரைமேல்
விளங்கும் கேதீச்சரத்து அத்தரை அடையுங்கள்.

     கு-ரை: ஆதர்-அறிவிலார், எத்தர்-ஏமாற்றுவோர், விரகுள்ளவர்,
ஏழைமை-அறியாமை தோற்றும் சொற்கள். மறுகிட-கலங்க. பாலாவி-
அத்தலத்தின் தீர்த்தம். அது மிகப்பெரியது.

     11. பொ-ரை: அருகிலெல்லாம் மணமுரசு ஒலிப்பதுபோலக் கடல்
ஒலி நிரம்பப் பெற்றமாதோட்டத்தில், வலிய ஏற்றினை உடைய
தலைவராகிய கேதீச்சரத்துப் பெருமானை அழகிய காழி நாட்டினர்க்குத்
தலைவனாகிய ஞானசம்பந்தன் சொல் நவின்றதால் தோன்றிய
இப்பாமாலையைப் பக்தர்களே! பாடி வழிபடுமின். பரகதி பெறலாம்.

     கு-ரை: மணமுரசு:- வீரமுரசு, தியாகமுரசு, என்னும் மூவகையுள்
ஒன்று. ‘இமிழ்குரல் முரசம் மூன்று உடன் ஆளும் தமிழ்கெழுகூடல்
தண்கோல்வேந்து’ (புறம் 58) ‘வம்மின் எனப்புலவோரை அளித்திடுவண்
கொடைமுரசு. . . மணமுரசு. . . திறல்முரசு’ (முத்துக்குமாரசுவாமி
பிள்ளைத்தமிழ். 8) ஆடல்-வெற்றி. காழிநாடுளார்க்கினற’ ஆசிரியர்.
பரகதி-சிவானந்தப் பேறு அடையும் நெறி.