2. பொ-ரை: தாமரைமலர் போன்ற அழகிய சிறியகால்களையும்
பஞ்சுபோன்ற மென்மையான விரல்களையும், அரவு போன்ற அல்குலையும்
உடையவரும். மயில் குயில் கிளி போன்ற மொழியினரும், மென்மையான
தனங்களையுடையாருமாகிய மங்கையர் குணலைக்கூத்து ஆடிமகிழும்
கோட்டூரில் விளங்கும் நற்கொழுந்தே என்று கூறிச் சங்கரனை வணங்க
எழுவார் ஐயமின்றி அவன் திருவருளைப் பெறுவர்.

     கு-ரை: பங்கயம்-தாமரை. மயிலும் மொழிக்கு ஒப்பாக் கூறுவது
உண்டுபோலும். ‘குயில்மொழி’ ‘கிளிமொழி’ என்பனபோல மயில் மொழி
என்று கேட்டிலோம். மிழற்றிய-மெல்லச் சொல்லிய. குணலை-கூத்துள்
ஒன்று. சங்கை-சந்தேகம்.

     3. பொ-ரை: நல்ல மலர்களைக்கொண்டு தொழுது எழும்
அடியவர்கட்கு நம்பனாரும், செம்பொன்போன்ற மேனியையும் அழகிய
நகில்களையும் உடைய பூங்கொம்பு போன்ற மகளிர் ஆடிப் பாடித்
தொழுபவரும், செம்மைமல்கிய கோட்டூரில் விளங்குபவரு