கட்டப்படும் புதிய பூக்கள். எட்டுணை- (எண் + துணை) எண் மடங்கு.
பட்டு இணைந்த-பட்டிசைந்தபாவையர்-தாருகவனத்து மகளிர். வட்டணை-
வட்டம். தாளம் போடுதலுமாம்.

     9. பொ-ரை: பன்றிக் கொம்போடு ஆமைஓட்டையும் அணிந்து
எருதேறிக் காட்டை இடமாகக் கொண்டு உறையும் இவர் நம்
உள்ளங்களைக் கவரும் கள்வராவர். கனவிடைத் தோன்றி நமக்குத் துயர்
விளைத்துத் தேன்பொருந்திய மலர்களை அணிந்த அழகிய சடைமீது
பிறையணிந்து அவ்வாய்மூர் இறைவர் வருவார். காணீர்.

     கு-ரை: ஏனம்-பன்றி. மருப்பு-கொம்பு, பன்றிக்கொம்பும்
ஆமையோடும் பூண்டவர் என்று திருமுறைகளில் பல இடங்களில்
இருத்தல் வெளிப்படை.

     10. பொ-ரை: பிறைசூடியவராய், சுடர்முடியவராய், திருநீறு
பூசியவராய் மழுவேந்தியவராய், கொன்றைமாலை சூடியவராய், பாம்பும்
முப்புரி நூலும் அணிந்தவராய், காந்தள் போன்று முகிழ்த்த