கையினராகி, தாருகாவன முனி பன்னியர் பலிபெய்யுமாறு
பிரமகபாலத்தை ஏந்தியவராய் வாய்மூர் இறைவர் வருவார். காணீர்.

     கு-ரை: பசைந்து-பற்றி, பசுமையுற்று, கோடல்-வெண் காந்தள்,
ஈண்டுக் காந்தளையுணர்த்தி, மகளிர் செவ்விரல்களுக்கு ஒப்பாயிற்று.
முகிழ்-அரும்பு.

     11. பொ-ரை: சந்திரனைச் சென்று தொடும் மதில்களையும்
சோலைகளையும் உடையதிருவாய்மூரிலுள்ள, வேதங்கள், வேதாங்கங்கள்
ஆகிய பாடல்களின் பொருளாயுள்ள தீ வண்ணரின் திருவடிகளைப் பரவி
நம்வினை கெடுமாறு ஞானசம்பந்தன் மொழிந்த இத்தமிழ் மாலை தங்கிய
மனத்தோடு அவரைத் தொழும் அடியவர் நெறி, உலகில் மேலான
தவநெறியாகும்.

     கு-ரை: வரைப்பொழில்-மலையிலுள்ள சோலைகள். மறையொலி-
வேதமுழக்கம். நங்கள் தம்வினை. எழுவார் நெறி, எழுவார்க்குத் தமர்நெறி,
உலகுக்கு ஒரு தவநெறி.