கு-ரை: துயர்மாசு-உம்மைத்தொகை. ‘கைம்மாறு வேண்டாக்
கடப்பாடுமாரி மாட்டு என் ஆற்றுங்கொல்லோ உலகு’ (குறள். 211.)
கொடையாளர்-அந்தணர்.

     3. பொ-ரை: கூரிய முத்தலைச் சூலத்தை ஏந்தியவர். குழையணிந்த
செவியினர். மார்பில் முப்புரிநூல் விளங்கும் மணவாளக் கோலத்தினர்.
அவருக்குரிய ஊர், மலைபோலக் கடல் அலைகள் வந்தலைக்கும் காழிப்
பதியாகும்.

     கு-ரை: திரிசூலமாகிவேலுடையவர், மார்வு-மார்பு. உகந்த மணவாளன்.
விலங்கல்-மலை. தாரை-நீரொழுக்கு, பெருமழை.

     4. பொ-ரை: குற்றம் இல்லாதவர். தம் குறைகளைக் கூறி
வேண்டுபவருக்கு வரும் பழிகளைத் தீர்ப்பவர். விடைக்கொடியை
உயர்த்தியவர். அப் பெருமானுக்குரிய இடம், நல்லவர், மனத்தால் இனியவர்,
வேதங்களைக் கற்றுணர்ந்து நல்லோர் செய்யும் பிழைதெரிந்து போக்கித்
தலையளி செய்வோர் ஆகியவர்கள் வாழும் கடற்காழியாகும்.

     கு-ரை: குற்றம் இல்லார். குறைபாடு செய்பவரது பழியைத்