தாழ்ந்துதம் முடிசாய்த்து வணங்க நின்றவனாகிய சிவபிரானுக்கு உரிய
இடம், சிங்கம் யானைமேல் வீழ்ந்து அழித்து அதன்மருப்பைப் பிளந்து
குருத்தை உண்ணும்போது முத்துக்கள் மருப்பிலிருந்து உதிரும்
கேதாரமாகும்.

     கு-ரை: ஆழ்ந்துகாணார்-பன்றியுருக்கொண்டு மண் இடந்தும்
காணாத திருமால். உயர்ந்து எய்தகில்லார்-அன்னப்புள் வடிவு கொண்டு
விண்பறந்தும் காணாத அயன், தாழ்ந்து தம்தம் முடிசாய நின்றவர்
சிவபிரான். சாய்ந்தவர்- அயனும் அரியும். சிங்கம் யானை மேல் வீழ்ந்து
அழித்து மருப்பைப் பிளந்து உண்ணுகின்றுழி முத்துக்கள் உதிரும்.

     10. பொ-ரை: துவர்க்காய்களைத் தின்று கழிமீன்களை யாரும்
அறியாமல் கவர்ந்து உண்பவரும், மாசு பொருந்திய உடலினரும்
மக்களைத் துன்பநெறியில் செலுத்துவோருமாகிய சமணர்கள் சாராத
இடம், அருகில் இருந்து அறநெறியான வார்த்தைகளைக் கேட்டு
அடியவர் வினைகளைக் கெடுக்கும் பெருமான் உறையும் கேதாரமாகும்.

     கு-ரை: கடுக்கள் தின்று-துவர்க்காய்கள் தின்று. கழிமீன்கள்
கவர்வார்கள் என்றதில் அவர் புலைமை குறிக்கப்பட்டது. இடுக்கண்-
(இடுங்குகண்) துன்பம்.