11. பொ-ரை: வயல்வளம் உடைய காழிநகரில் தோன்றிய
ஞானசம்பந்தன், நீர் அருவிகளை உடையதும், இமையோர்கள்
உறைவதுமாகிய கேதாரத்து இறைவர்மீது ஆய்ந்து சொன்ன அருந்தமிழ்
பத்தையும் இசையோடு பாடி வழிபட வல்லவர். வேந்தராய் உலகை
ஆண்டு முடிவில் வீடுகதி பெறுவார்கள்.

     கு-ரை: ஏய்ந்த நீர்க்கோட்டு இமையோர் உறைகின்ற கேதாரம்
என்றதில், கேதாரத்தை வழிபடும் இமையவர் அவ்வாறு திங்களும்
உறைகின்ற இடம் நீர்க்கோடு என்பது குறிக்கப்பட்டது. வீடுகதி-
வீட்டிற்குரிய நெறி. வீடும் (பாசநீக்கம்) கதியும் (சிவப்பேறு) என
உம்மைத் தொகையுமாம்.