ஆகிய, பெருகிவரும் காவிரி நீர் வந்தலைக்கும் தென் கரையில் அமைந்த
நாகேச்சுரத்தைப் பிரிவிலாத அடியவர் சிவலோகத்தைப் பிரியார்.

     கு-ரை: காண்பு-காட்சிக்கு, காவிரியினீர் கரையை அலைக்கும்
நாகேச்சுரத்தைப் பிரியாதவர் சிவலோகத்தைப் பிரியார்.

     10. பொ-ரை: தட்டைக் கக்கத்தில் இடுக்கி உறிதூக்கிய
கையினராய்த்திரியும் சமணர், சாக்கியர், புனைந்து சொல்லும் மொழிகளைக்
கொள்ளாது, இடுகாட்டில் நள்ளிருளில் நடனமாடும் நாகேச்சுரத்து
இறைவனைத் தேன் நிறைந்த மலர்களைத் தூவி அடி வீழ்ந்து வணங்குவது
உண்மைப் பயனைத்தரும்.

     கு-ரை: கட்டுரைக்கும் மொழிகொள்ளலும்-கட்டிச் சொல்லும்
சொற்களைக் கொள்ளதேயுங்கள். கொள்ளல் என்னும் முன்னிலை
ஒருமை ஏவல் வினையுடன் உம்மை சேர்த்துப் பன்மையே
வல்வினையாக்கியவாறுணர்க. வெள்ளில் - பிணப்பாடை. நடு
இருள் = நட்டிருள்.

     11. பொ-ரை: மணம் கமழும் நீரை உடைய காவிரித் தென் கரையில்,
கண்ணுதற் கடவுளாகிய நந்தி எழுந்தருளிய திருநாகேச்சுரத்தின் மேல்
ஞானசம்பந்தன் நாவினால் போற்றிய இப்பனுவல்