9. பொ-ரை: சிறப்புமிக்க தென்னவன், செம்பியன், வில்லவன்
ஆகிய மூவேந்தரும் வந்து வழிபடும் மூக்கீச்சரத்தில், உறையும் பெருமான்
நீருள் தோன்றிய தாமரையில் விளங்கும் நான்முகனும், நெடியமாலும்
புகழிற் பொருந்திய திருவடிகளைத் தேட முற்பட்டபோது தீத்திரளாய்
நின்றவன்.

     கு-ரை: மெய்த்தீத்திரள் - ஞானத்திரளாய் நின்ற பெருமான்
(தி.1 ப.69 பா.3) தென்னவன் - பாண்டியன் வில்லவன் - சேரன்.
செம்பியன்-சோழன்.

     10. பொ-ரை: வெண்மையான புலால் நாற்றம் வீசும் ஆடையை
மார்பிற் கொண்டவரும், வெற்றுடம்போடு திரிபவரும் ஆகிய புத்தர்களும்
சமணரும் உண்ணும் பொருட்டு உரைக்கும் மொழிகளைக் குறையுடைய
தாக்கினான். புலால் மணக்கும் வேல் வென்றி