2. பொ-ரை: கடலில் தோன்றிய மிக்க நஞ்சினை, உண்டு இருண்ட
கண்டத்தினரும், உலகெங்கும் பலியேற்றுத் திரிபவருமான சிவபிரானுக்குரிய
நகர், மிகவும் நல்லவர் பயிலும் வேதப்பதங்களைக் கேட்டு, சோலைகளில்
வாழும் கிளிகள் அச்சொற்களை மீண்டும் கூறும் புகலியாகும்.

     கு-ரை: வேலை-பாற்கடல்உண்டு என்னும் வினையெச்சம் இருள்
என்னும் வினைப்பகுதிகொண்டது. இருள்கண்டனார்-இருண்ட
திருக்கழுத்தினையுடையவர். ஞாலம்-பூமி உலகம். நாலம் என்பதன் மரூஉ.
உழல்வார்-திரிபவர். நல்லார் சாலப்பயிலும் மறை என்க. சால நல்லார்
என்றே கொள்ளலுமாம். கிளிகள் நல்லார் பயிலும், மறை(யைக்) கேட்டுப்
பதங்களைச் சொற்பயிலும் என்க. ‘கிளித்தான்’ என்பது, ‘வேற்றுமையல்வழி’
(தொல், தொகைமரபு. 16) என்னுஞ் சூத்திரத்தின்படி வல்லெழுத்து மிக்கது.

     3. பொ-ரை: வண்டுகள் மொய்க்கும் கூந்தலை உடைய உமை
நங்கையை தன் மேனியின் ஒரு கூறாக உகந்தவரும், பிறைமதி