காண்போம் எனச்சூளுரைத்து முயன்று தோற்றுக் கழல்பணிய
நின்றார்க்கு இடமாக விளங்குவது, நாரைக்கு இரையான ஆரல் மீன்கள்
ஒழுகி ஓட, நிறைந்த சேற்றோடு விளங்கும் வயல்களை உடைய அழகிய
புகலிப்பதியாகும்.

     கு-ரை: கீண்டு-(நிலத்தைப்) பிளந்து. திருமால் செயல். கேழல்-
பன்றி. காண்டும்-காண்போம். பறந்துயர்ந்தார். பிரான் திருவடிகளை,
பணிய- பணிந்து வழிபட. நின்றார்க்கு-நின்ற சிவபெருமானுக்கு. நாரைக்கு
இரையாகிய ஆரல் மீன்கள் ஒழுகியோட, நிறைந்த செறு. செறு-சேறு.
மிக்கவயல் என்பது சந்தம் நோக்கி விரித்தல் விகார முற்றது.

     10. பொ-ரை: ஓலையால் இயன்ற தடுக்கைக் கட்டிக் கொண்டும்
தலையைப் பறித்துக் கொண்டும் வாழும் சமணர்களும், சாக்கியர்களும்
இடுக்கண்பட்டவராய் இறைஞ்சாது நிற்குமாறு செய்த எம்பெருமானுக்கு
உரிய இடமாக விளங்குவது, வேதம் வல்ல அந்தணரும் வானுலகில்
வாழும் தேவர்களும் அடுத்தடுத்து வந்து வழிபடும் புகலிப்பதியாகும்.

     கு-ரை: பறிப்பார்-சமணர். உய்ப்பார்-செலுத்துவார், உண்டாக்குவார்
என்றவாறு. இறைஞ்சாத-தலைவணங்காத. வணங்கப் பெறாமை எம்மானது.
மடுப்படுக்கும் - (வைகறையில் நீர்) மடுவில்