பொன்னி-காவிரி, ஆர்த்து-ஆரவாரம்செய்து. சீர்த்த-சீருடைய.

     10. பொ-ரை: பெருமை பொருந்திய சடையினை உடையவரே!
விடையை ஊர்ந்து வருபவரே! நிலையான வரம் பெறுதற்குரிய இடமாய்
உள்ள வலஞ்சுழியில் விளங்கும் எந்தையே! பிரமன் திருமால் ஆகியோரால்
அளத்தற்கு அரியரானவரே, நீர் தலையோடாகிய உண் கலனில் பலியைச்
செல்வமாக ஏற்றதற்குக் காரணம் யாதோ? சொல்வீராக.

     கு-ரை: உரம்-பெருமை, (சிவபிரானுக்குச் சடையும் ஞானமாதலின்)
அறிவுமாம். பலியேற்கும் பாத்திரம் பிரமகபாலமாதலின் “சிரமெனுங்கலம்”
என்றார். பா.5.10இல் செல்வம் என்றது குறிப்பு. வரம்பெறலாவதும் மன்னும்
என மாற்றலுமாகும்.

     11. பொ-ரை: வீடும் அதற்கு ஏதுவாய ஞானமும் பெறவிரும்பு
வீராயின், விரதங்களை மேற்கொண்டு உடல் வாடுவதனால் ஞானம்
வந்துறுமோ? திருவலஞ்சுழியை அடைந்து ஞான சம்பந்தர் ஓதி