திருச்சிற்றம்பலம்

     கு-ரை: சற்று - சிறிது. சொல்தேயும்வண்ணம் - பிதற்றுரைகள்
பொருளுறாதனவாய் ஒழியும்வகை, ‘செம்மை உடையானை’ (பா.8. பார்),
வாவி - குளம். பற்று ஆக - உண்மையன்பிற்குரிய தலமாக.

     11. பொ-ரை: கண்களுக்கு விருந்தாய் அமையும் சீகாழிப் பதியில்
விளங்கும் சிவபிரானின் திருவுள்ளத்தை நிறைவித்த இனிய புகழ்பொருந்திய
ஞானசம்பந்தன் பாடிய இத்தமிழ்மாலையை, வளம் நிறைந்த மண்சேர்ந்த
வயல்களால் சூழப்பட்ட திருமணஞ்சேரியை அடைந்து பண் பொருந்தப்பாடிப்
போற்றுவார்க்குப் பாவம் இல்லை.

     கு-ரை: காழியர்கோன் - தோணியப்பர். கருத்து - திருவுள்ளம்.
ஆர்வித்த - நிறைவித்த, ஒவ்வொரு திருப் பதிகமும் ஒவ்வொரு
‘தமிழ்மாலை’ என்னும் உண்மையை இதில் அறியலாம். பண்ணாரப்பாடுதல்
வல்லார்க்குப் பாவம் இல்லை. ‘கண். . . . . . . சீர்’ என்றது ஆசிரியர்
சிறப்பை உணர்த்துகின்றது. கண் - வேணு வனம், கண் - மூங்கில்,
‘கண்ணார் கமழ்காழியர்’ (தி.2 ப.23 பா.11.) என்றது காண்க.