மலர் சூடிய சென்னியில் சேர்த்துள்ள இறைவனும், இந்திரநீலப் பருவதத்து
உறைபவனுமாகிய சிவபிரானைப் போற்றி உய்யுங்கள்.

     கு-ரை: குறைவு இல் ஆர் மதி - குறைதல் இன்றி நிறைவு பொருந்திய
பிறை. கடவுள் சடைமேல் உள்ள பிறைக்குக் குறைவும் அழிவும் இல்லை.
உறைவினான் - வாழ்தலை உடையவன்.

     3. பொ-ரை: என் பொன்னே என்மணியே என்று புகழ்ந்து
போற்றுவாரை விரும்புபவன், நான்கு மறைகளையும் பாடும் நாவினை
உடையவன், இன்பவடிவினன், இந்திரநீலப் பர்வதத்து அன்பு உடையவன்
ஆகிய சிவபிரான் திருவடிகளையே சரணாக அடைந்து வாழுங்கள்.

     கு-ரை: என்பொன், என்மணி என்ன ஏத்துவார் நம்பன் - என்
பொன்னே என்மணியே என்று எடுத்துப் புகழ்ந்து போற்றுவாரை
விரும்பியருள்பவன், ‘நம்பும் மேவும் நசையா கும்மே’ என்றார்
தொல்காப்பியர். ‘பாதமே’ என்றதில் ஏகாரம் பிரிநிலை.

     4, பொ-ரை: நம் வினைகள் நாசமாகவும், நன்மைகளே வந்தெய்தவும்,
உலகளாவிய புகழுடைய செம்மையாளனாகிய எம் ஈசனும் இந்திரநீலப்
பருவதத்து உறைவோனுமாகிய சிவபிரானை, நும் சிறுமையையும் அவன்
பெருமையையும் எண்ணி நற்குணங்கள் பலவும் அமைய வாழ்த்துங்கள்.

     கு-ரை: வினை நாசம் ஆம் என்க. நன்மைவரும். கூசிவாழ்த்துதும் -
இறைவன் பெருமையையும் நம் சிறுமையையும் எண்ணிக்கூசி, வாழ்த்துவோம்.
‘நேசம் தன்பால் இல்லாத நெஞ்சத்து நீசர்தம்மைக்