பின் அவனுக்கு அருள் கொடுத்தவன். கூத்தன். அவன் கருவூர்
ஆனிலையில் விளங்கும் பெரியவன்.

     கு-ரை: கடுத்த-கோபித்த. தலை தோளும்-தலைகளும் தோள்களும்.
தாள்-திருவடி. அருள்கொடுத்தவன் என்க.

     9. பொ-ரை: எல்லாமாய் விளங்கும் இறைவனின் பாதங்களைப்
பன்றி வடிவெடுத்துப் பெரிய நிலத்தை உழுது சென்று முயன்ற திருமால்,
பிரமன் ஆகியோர் தொழுதும் காண்கிலர். அத்தகைய பெருமான் கருவூர்
ஆனிலையில் நாம் எளிதின் வணங்க எழுந்தருளியுள்ளான்.

     கு-ரை: ஏனம்-பன்றி. கழுதினான்-பேயன். முழுதும் ஆகிய மூர்த்தி-
“யாவையும் ஆய ஈசர்” (பா.4)

     10. பொ-ரை: புத்தர்களும் புன்மையான அறிவற்ற பொய்யுரைகளைக்
கூறும் பித்தர்களாகிய சமணர்களும் பேசும் பேச்சுக்களை விட்டு
உண்மையான பக்தர்கள் சேரும் கருவூர் ஆனிலையில் விளங்கும் மேலான
இறைவனின் திருவடிகளை அடைந்து வாழுங்கள்.

     கு-ரை: ஆதர்-அறிவிலார். மெய்ப்பத்தர்-உண்மை அன்பர்.
அத்தர்-இறைவர், உயர்ந்தவர்.

     11. பொ-ரை: மணம் பொருந்திய பொழில்கள் சூழ்ந்த சீகாழிப்
பதியில் தோன்றிய ஞானசம்பந்தன் கருவூர் ஆனிலையை அடைந்து