ராயின் அவர் எத்தொழிலை மேற்கொண்டவர் ஆயினும் அவர்தம் தீ
வினைகட்குப் பகையாயிருந்து தீர்ப்பவன்நீ. தீக் கொழுந்து போன்ற ஒளி
பொருந்திய சடையில் தனித்த பிறையோடு பொருந்தக் கங்கை கிடக்குமாறு
செய்துள்ளவன், நீ.

     கு-ரை: அனல்படு தடக்கையவர்-செந்தீ வளர்க்கும் கையுடைய
அந்தணர். ‘எரியோம்புஞ் சிறப்பர்’ (தி.1ப.80பா.2.) வினைப்பகை-வினைக்குப்
பகைவன். தனல்-தணல். புனல்-கங்கை. கிடக்கையை-கிடத்தலை உடையாய்.

     7. பொ-ரை: புறம்பயம் அமர்ந்தோய்! பாவமான செயல்களை
விரும்பாத தவத்தைப்புரியும் அடியவர் உள்ளங்களில் அறநெறிப் பயனையும்
அடைய விரும்பாத வாறு அதனைக் கடிந்து, உன் அருள் உரிமையைப்
பெற்றோர் திறத்தினுக்கு ஏற்ப அருள் வழங்கும் தன்மையனாய் வேறாய்
நின்றும் அருள் புரிபவன் நீ.

     கு-ரை: மறத்துறை-பாபமார்க்கம். மறுத்தவர்-வேண்டாதார்.
தவத்து அடியர்-தவத்தையுடைய அடியவர். அறத்துறை ஒறுத்து-புண்ணிய
மார்க்கத்தையும் கடிந்து. இருவினை யொப்புடைமை குறித்தபடி.
அருட்கிழமை-சிவஞானத்திற்கு உரியராந்தன்மை. திறம்-சரியை முதலிய
நான்கு திறங்கள். சரியையாளர் திறத்திற்குத் தக்கவாறு அருள்செய்யும்
இறைவனது திறத்தைக் குறித்தபடி. மதித்து அகல நின்றும் புறத்து
உளதிறத்தினை என்பது இறைவனது ஒன்றாய் வேறாய் உடனாயிருக்கும்
மூன்று இயல்புகளுள் வேறாய் நிற்பதைக் குறித்தது.

     8. பொ-ரை: புறம்பயம் அமர்ந்தவனே! இலங்கை மக்கள் வணங்கும்
தலைவனாகிய இராவணன் மலையின் கீழ் அகப்பட்டு