கு-ரை: விண் இயல் பிறை பிளவு-வானூர் பிறைத்துண்டம்.
அறைப்புனல்-ஒலிநீர்கங்கை. புவி-பூமி. பண்ணிய-செய்த, பண்ணோடு
கூடிய எனலுமாம். நண்ணிய-விரும்பிய. வழிபாடு-அருள்வழி உயிர்க்குப்
படுதல்.

     3. பொ-ரை: விளங்கும் அணிகலன்களைப் பூண்டுள்ள
மலைமங்கையை மேனியின் ஒருபாகமாக இருத்தியுள்ள ஒப்பற்ற
வனாகிய சிவபிரான் இருக்கும் இடம், நளன் வந்து தங்கி நாள்தோறும்
தூபதீபங்களுடன் மலர்தூவி வழிபட்டுக் கலி நீங்கப்பெற்ற திருநள்ளாறு
ஆகும்.

     கு-ரை: இழை-ஆபரணம், முதல்நிலைத் தொழிலாகுபெயர்.
உளங்கொள -திருஉள்ளங்கொள்ள, விரும்ப. இருத்திய;பிறவினை,
ஒருத்தன்-தனிமுதல்வன், நளன் வழிபட்ட வரலாறு உணர்த்தப்
பட்டது. பூசிக்கும் முறையும் கூறப்பட்டது.

     4. பொ-ரை: திருக்குளத்தில் மூழ்கி நாகலோகத்தவரும்,
வித்யாதரர்களும், தேவர்களும், திகம்பரராய சிவபெருமான்
திருவைந்தெழுத்தை நினைந்து வழிபடும் திருநள்ளாறு, கொக்கிற்கு
அணிந்தவர். வளைந்த பிறைமதியைச் சூடியவர், கோபம் உடையவர்,
சிவந்த திருமேனியர் ஆகிய சிவபெருமான் சேரும் இடம், என்பர்.

     கு-ரை: கொக்கு-கொக்கிறகு. ‘கொக்கிறகு சென்னி உடையான்
கண்டாய்’ (தி.6 பதி.36 பா.2) அரவர்-பாம்பணிந்தவர். கூன் மதியர்-
இளம் பிறைசூடி. கோபர்-கோபத்தை உடையவர். செக்கர் திருமேனியர்-
செவ்வானம் போலும் வண்ணத்தை உடைய திருமேனியர். அந்தி வண்ணர்.
புக்கு-புகுந்து அரவர்-