1829.
|
ஆடலர
வார்சடைய னாயிழைதன் னோடும்
நாடுமலி வெய்திட விருந்தவனள் ளாற்றை
மாடமலி காழிவளர் பந்தனது செஞ்சொல்
பாடலுடை யாரையடை யாபழிகள் நோயே. 11 |
திருச்சிற்றம்பலம்
11. பொ-ரை:
ஆடுகின்ற அரவினை அணிந்த சடையினனாகிய
சிவபிரான் உமையம்மையோடு உலகம் மகிழ்ச்சியால் நிறையுமாறு
எழுந்தருளியுள்ள திருநள்ளாற்றை, மாடவீடுகள் நிறைந்த சீகாழியில்
வாழும் ஞானசம்பந்தன் பாடிய செஞ்சொற்களாலியன்ற இப்பதிகப்
பாடல்களைப் பாடி வழிபடுபவரைப் பழிகளும் நோய்களும் அடையா.
கு-ரை:
ஆர்-பொருந்திய. ஆய் இழை-உமாதேவியார்
‘போகமார்த்த பூண் முலையாள் தன்னோடும் பொன் அகலம்பாகம்
ஆர்த்த. . . அண்ணல்’ என்றதை நினைப்பிக்கும் இடம் இது. காழிச்
சிறப்புணர்த்திற்று. பந்தன்- திருப்பெயர்ச் சுருக்கம். பாடலுடை யாரைப்
பழிகளும் நோய்களும் அடையா என்க.
|
திருஞானசம்பந்தர்
புராணம்
உருகியஅன்
புறுகாதல் உள்ளுருகி நனைஈரம்
பெற்றாற் போல
மருவுதிரு மேனிஎலாம் முகிழ்த்தெழுந்த மயிர்ப்புளகம்
வளர்க்கு நீராய்
அருவிசொரி திருநயனத் தானந்த வெள்ளம்இழிந்
தலைய நின்று
பொருவில்பதி கம்போக மார்த்தபூண் முலையாள்என்
றெடுத்துப் போற்றி.
-சேக்கிழார்.
|
|