பதிக வரலாறு:

     திருஞானசம்பந்தமூர்த்தி நாயனார் திருவிடைமருதூரை வழிபட்டுப்
பாடித் திருநாகேச்சுரத்தையும் பணிந்து, மற்றும் நற்பதிபல நண்ணிப்
போற்றிக் குரங்காடுதுறையை அணைந்து, குழகனார் குரைகழல்களைப்
பெருங்காதலால் பேணிய இன்னிசை பெருக அருள்செய்தது இந்த
அருங்கலை நூற்றிருப் பதிகம்.

பண்: இந்தளம்

திருச்சிற்றம்பலம்

     1. பொ-ரை: பூதகணங்கள் சூழ இரவில் சுடுகாட்டில் நின்று எரி
ஆடுபவனும், அரவணிந்த சடையினை உடைய அந்தணனும் ஆகிய
சிவபிரானது குராமரப் பொழில் சூழ்ந்த குரங்காடுதுறையைப் பரவ வலிய
வினைகள் கெட்டொழியும்.

     கு-ரை: குரங்காடுதுறை பரவ வல்வினை கெடும் என்றியைக்க.
பாரிடம்-பூதகணம். ஆடி-பெயர்ச்சொல். அந்தணன்-‘அறவாழி யந்தணன்’.
மேய-எழுந்தருளிய. (மேவிய-விரும்பிய) குரவம்-குராமரம். பரவுதல் முன்
நின்று துதித்தல்.

     2. பொ-ரை: தன்னோடு பகை பூண்டவராகிய அசுரர்களின்
முப்புரங்களையும் எரித்தழித்த விமலனும், இண்டங்கொடிகள் படர்ந்த