பதிக வரலாறு:

    ஆளுடைய பிள்ளையார் திருவாறை வடதளியினின்றும்
எப்பொருளுமாய் நின்ற இறைவரது இரும்பூளை என்னும் தலத்தை எய்தித்
தொண்டர்தொழ அண்டர்பிரான் கோயிலையடைந்து, இறைஞ்சி,
அடியார்களை வினவியவாற்றால் அருமறையின் பொருள் விரியப் பாடியது
இத்திருப்பதிகம்.

                        வினாவுரை

                      பண்: இந்தளம்

                      திருச்சிற்றம்பலம்

     1. பொ-ரை: சீர் பொருந்திய இறைவன் திருவடிகளையே பணியும்
அடியவர்களே! கச்சணிந்த தனங்களைக் கொண்ட உமையம்மையோடும்
உடனாய் அழகிய இரும்பூளையை இடமாகக் கொண்டுறையும் ஈசன் கரிய
கடலில் எழுந்த நஞ்சினை அமுதாக உண்டதற்குக் காரணம் யாதோ?
இதனைச் சொல்வீராக.

     கு-ரை: சீர் ஆர் கழலே-எல்லா உலகங்களையும் அளித்த சீர்
நிறைந்த திருவருளையே. தொழுவீர்-தொழுகின்றவரே! கருத்தாகிய இது
செப்பீர் என்க. மேலும் இவ்வாறே இயைத்துப் பொருள்கொள்க. ஏர்-அழகு.
கார்-கருமை. மேகமுமாம். கடல்-பாற்கடல். நஞ்சு அமுது-நஞ்சமாகிய
அமுதம், நஞ்சத்தை அமுதாக என்று ஆக்கச் சொல் வருவித்தும்
முடிக்கலாம்.

     2. பொ-ரை: வணங்குதற்குரிய திருவடிகளையே தொழும்
தொண்டர்களே! வேய்ங்குழல் போன்ற இனிய மொழியையும் திரண்ட