ஆட லமர்ந்தானை
     யாக்கூரிற் றான்றோன்றி
மாட மமர்ந்தானை
     மாடஞ்சேர் தண்காழி
நாடற் கரியசீர்
     ஞானசம் பந்தன்சொல்
பாட லிவைவல்லார்க்
     கில்லையாம் பாவமே.               11

திருஞானசம்பந்தர் புராணம்

தக்க அந்தணர் மேவும்அப் பதியினில்
     தான்தோன்றி மாடத்துச்
செக்கர் வார்சடை அண்ணலைப் பணிந்திசைச்
     செந்தமிழ்த் தொடைபாடி
மிக்க கோயில்கள் பிறவுடன் தொழுதுபோய்
     மீயச்சூர் பணிந்தேத்திப்
பக்கம் பாரிடம் பரவநின்றாடுவார்
     பாம்புர நகர்சேர்ந்தார்.

                             -சேக்கிழார்.