மங்கை பங்கன். ‘ஏழைபங்காளன்’ (திருவெம்பாவை) நறை-தேன்.
இறையான்-இறைவன். இன்பம் எய்துமாமென்க.

     6. பொ-ரை : கண்பொருந்திய நுதலினனும், கனலை ஆடும்
களமாகக் கொண்டவனும் பண்ணமைதியுடைய வேதங்களைப் பாடுவோனும்,
நடனம் ஆடும் பரஞ்சோதியும், பகைவருடைய முப்புரங்களை எய்தவனும்
ஆகிய சிவபெருமான் உறையும் நாலூர் மயானத்தை நண்ணாதவர் எல்லாம்
நன்னெறியைச் சாரார்.

     கு-ரை: ஆடு இடம் கனல் ஆக-ஆடுகின்ற இடம் நெருப்பாக.
‘தீயாடி’, அனலாடி; இறைவன் ஆடலுக்குப் பாடல் பண்ணார் மறை.
நண்ணார்-பகைவர். நண்ணாதவர்-அடையாதவர், அணுகாதவர.்
நன்னெறி-சரியை, கிரியை யோகமென்னும் அழிவில்லாத தவத்தால் வரும்
ஞானம். (சிவஞான-சூ-8-உரை).

     7. பொ-ரை: நெற்றிக் கண்ணிலிருந்து பரவிய வெம்மை வேகத்தால்
மன்மதனைக் காய்ந்து உகந்தவனும், மாதொருபாகனும் யானைத் தோல்
போர்த்த மார்பினனும் ஆகிய சிவபெருமான் உறை