கு-ரை: மலி-மிக்க. கடு-விரையும். நித்திலம்-முத்துக்கள்.
அலைமேல் நிமிர்ந்து எதிர் வந்து வந்து ஒளிரும். கலி-வறுமையை.
கடிந்த-நீக்கிய. கையார்-கொடைக்கையினர். மருவும்-பொருந்தி வாழும்.
மாணி-பிரமசாரி, மார்க்கண்டேய முனிவர். தீவினை நோயவை மெலியும்.
வீடு மேவுவர். நோய்கட்குக் காரணம் தீவினை. ‘நோய் எல்லாம் நோய்
செய்தார் மேலவாம். நோய்செய்யார் நோயின்மை வேண்டுபவர்’ (குறள்).

     6. பொ-ரை: இவ்வுலகில் உள்ளோரும் வானுலகில் வாழ்வோரும்
வைகலும் வந்து கற்றறிந்த மனம் உடையவராய்க் கருதி வழிபடும்
காழிப்பதியில் நெற்றிக் கண்ணனாகிய பெருமானை நினைந்து இருந்து
இசைபாடுவோர் வினைகளைக் போக்கிக்கொண்ட மாந்தர் ஆவர் எனச்
சிந்தையில் தெளிவீர்களாக.

     கு-ரை: கற்ற-சிவபிரான் திருவடியை வழிபடக் கற்றறிந்த.
இசைபாடுவாரை வினையைத் தீர்த்தமாந்தர் (ஞானியர்) என்று
சிந்தையுள்ளே தெளிந்துகொள்மின்கள்.

     7. பொ-ரை: நன்மையும் பெருமையும் அமைந்த வேதியர்களோடு
தக்க மாதவர்களும் தொழுது வணங்க, சோலைகளின் மணம் சேர்ந்து
விம்மும் காழிப் பதியுள் ஊனுடம்புடையோர் உயிர் வாழ்தற்குப் பயனாய்
அவர்க்கு உறவாகிநின்ற ஒருவனே என்று வாழ்த்