9. பொ-ரை: கரிய திருமாலும் கமலமலரில் உறையும் நான்முகனும்
அடி முடி காண இயலாதவாறு எரியுருவாய் நிமிர்ந்த எங்கள் பெருமானே!
என்பார்கட்கு உரியவனும் அமரர்க்கு அரியவனுமான சிவபிரானது ஊர்,
வண்டுகள் பாடும் விரிந்த பொழில்கள் சூழ்ந்த திருவெண்காடாகும்.

     கு-ரை: கரியான்-மாயன். கமல மலரான்-தாமரையில் வாழும் பிரமன்.
காணாமை-காணமாட்டாத வகை. எரி-தீப்பிழம்பு என்பார். கட்கு-என்று
துதிக்கும் அடியவர்களுக்கு. உரியான்-அருளும் உரிமை உடையவன்.
‘அமரர்க்கு அரியான்’ (பா.6). விரி-விரிவு. பொழிலின் - சோலைக்கண்.

     10. பொ-ரை: பாடுகின்ற அடியவர் பலரும் கூடிப் பரிவுடன் ஏத்த
ஆடும் பாம்பை இடையிற்கட்டியுள்ளவனாகி, அறிவற்ற மூடர்களாகிய சமண்
சாக்கியர்கள் உணர இயலாத வேடம் கொண்ட பெருமானது பதி
வெண்காடாகும்.

     கு-ரை: பாடும் அடியார்-பண்ணொன்ற இசை பாடும்