இம்மாலையைச் செப்ப வல்லவர்கள் அறவடிவினனான சிவபிரான்
திருவடிகளை அடைந்து அன்பும் இன்பமும் அடைவார்கள்.

     கு-ரை: நறவம்-தேன், மணம். பொறி-புள்ளிகள். பூண்டான்-பூண்ட
சிவபிரான். செறி-சொல்லும் பொருளும் செறிந்த. வண்தமிழ் செய்மாலை-
வளவிய தமிழாற் செய்த இப்பாமாலையை, அறவன்-‘அறவாழியந்தணன்’
‘அறத்தானை அறவோனை’ (தி.6 ப.80 பா.7). ‘தருமா போற்றி’ (தி.6 ப.5
பா.10). ‘தயாமூலதன்மம் என்னும் தத்துவத்தின் வழி நின்று. . . நலம்
கொடுக்கும் நம்பி,’ ‘தயாமூலதன்மவழி எனக்கு நல்கி’ (தி.6 ப.20 பா.6).
அன்போடு இன்பம்-அன்பும் இன்பும்: ‘அன்பெனும் பாசம் வைத்தார்
(தி.4 ப.30 பா.3). ‘அன்பலால் பொருளும் இல்லை’ (தி.4 ப.40 பா.6).
‘அன்பினில் விளைந்த ஆரமுது’ ‘அன்பினால் இன்பம் ஆர்வர்’ ‘இன்ப
அன்பு’.