நின்ற பெருமானார், மணம் கமழும் மென்மலர்கள், சந்தனம்
ஆகியவற்றுடன் வரும் காவிரித்துறையில் விளங்கும் பாண்டிக்கொடுமுடி
இறைவராவார்.

     கு-ரை: திருமகள் காதலினான் - இலக்குமி காதலரான திருமால்.
திகழ்தரு - விளங்குகின்ற. மாமலர் - தாமரைப்பூ. மேலை -
மேலிருத்தலையுடைய. பெருமகன் - பிதாமகன் (பிரமன்). அழல் - தீ.
மரு - மணம். மலி - மிக்க. சந்து - சந்தனமரம். மாடு - பக்கம். பரு -
பருத்த. மணித்துறை - நீர்த்துறை. துறைமணி உம் என்றும் துறை ஆரும்
என்றும் கொள்ளலாம். பெம்மான் கொடுமுடியாரே என்க. துறைஆரும்
பாண்டிக்கொடுமுடி.

     10. பொ-ரை: புத்தர் சமணர் ஆகியோர் பொய்மொழியல்லால்
உண்மைத்தவநெறிகளைப் பேசிடமாட்டார். அவருடைய பலப்பல
திருவடிவங்களைச் சித்தர் தேவர் முதலியோருடன் பத்தர்கள் நல்ல
செழுமையான மலர் கொண்டு பணிந்தேத்த விளங்குபவர்
பாண்டிக்கொடுமுடி இறைவர்.

     கு-ரை: புந்தி - அறிவு. மாட்டார் - வன்மையில்லாதவர்.
வேடம்பலபல வற்றால் - சிவமூர்த்தம், மகேசுரமூர்த்தம் எனப்
பற்பலவற்றால். சித்தர் - சித்துக்களில் வல்லவர். செழுமையுடைய
நல்ல மலர்களைக் கொண்டு பத்தர் (அன்பர்), சித்தர், தேவர்
எல்லோரும் ஏத்தும் தலம்.