2290.
|
கண்ணு
மூன்றுமுடை யாதிவாழ்கலிக் காழியுள்
அண்ண லந்தண்ணருள் பேணிஞானசம் பந்தன்சொல்
வண்ண மூன்றுந்தமி ழிற்றெரிந்திசை பாடுவார்
விண்ணு மண்ணும்விரி கின்றதொல்புக ழாளரே. 11 |
திருச்சிற்றம்பலம்
11.
பொ-ரை: மூன்று கண்களை உடைய முதலோனாகிய
சிவபிரான் வாழும் காழிப்பதியுள் அத்தலைவனின் தண்ணருளைப் பேணி
ஞானசம்பந்தன் சொல்லிய இப்பாடல்களை மூவகை வண்ணங்களையும்
தெரிந்து இசையோடு பாடுவார் விண்ணுலகும் மண்ணுலகும் விரிகின்ற
புகழாளர் ஆவர்.
கு-ரை:
கண்ணு மூன்றும் - முக்கண்ணும். உடை - உடைய.
ஆதி -முதல்வன். உம்மை இனைத்தென அறிந்த சினைக்கு வினைப்
படுதொகுதியின் வேண்டுவது. (தொல். சொல்.33) உடை - குறிப்பு வினை.
வண்ணம் மூன்றும் - மெலிவு, சமன், வலிவு என்பவை. இசை பாடுவார்,
இம்மூன்றும் தெரியாது பாடுவரேல் அவ்விசை, கேட்பவரை எழுப்பும்
விசையுடையதாகும்.
|
திருஞானசம்பந்தர்
பிள்ளைத்தமிழ்
திருப்பொய்கை
இழிந்த
தேவரை யாமெலாந்
தேவரென் றேத்திய தடுமாற்ற
மழிந்து போம்வகை யையனைக்
காட்டிநின் றழுதவன் றனைக்காக்க
மொழிந்த நாண்மலர்ச் சீறடிப்
பேதையார் முகின்முலைத் திருஞானம்
பொழிந்த பான்மணந் தன்மண
மாக்கிய பொய்கையங் கரைதானே.
-
ஸ்ரீ மாசிலாமணிதேசிக சுவாமிகள்.
|
|