வேதங்களை. ஒரு பாகத்தே ஏய்ந்து கொண்டது இமவான் மகளை.
அத் தகையோன் அகத்தியான்பள்ளி இறைவன் ஆவான்.

     கு-ரை: அன்று நெற்றிக்கண்ணால் காய்ந்ததும் மன்மதனை
பாய்ந்ததும், இயமனை, பண்ணினால் ஆராய்ந்ததும் வேதத்தை,
பொருந்தியதும் இமாசல குமாரி பாகத்தை.

     5. பொ-ரை: போர்த்துள்ளது யானைத்தோல். உடுத்துள்ளது
புலித்தோல்.ஏந்தியுள்ளது கூரிய வெண்மழு. அரையில் கட்டியுள்ளது
பாம்பு. பரந்த எரியுள் மூழ்குமாறு பார்த்தது முப்புரம். அத்தகையோன்
அகத்தியான்பள்ளி இறைவன் ஆவான்.

     கு-ரை: போர்த்ததும் யானைத்தோல். உடை - புலித்தோல். உடை
என்பது தொழிலாகு பெயர். அது (உடுத்தது) வினையாலணையும் பெயர்ப்
பொருளில் எழுவாய் நின்று புலித்தோலென்னும் பெயர்ப் பயனிலை
கொண்டது. மழுவை ஏந்தி அரைக்கு ஆர்த்ததும் அரவம் ( - பாம்பு)
என்க. பார்த்ததும் படர்ந்த எரியில் அரணம் (மும்மதில்) மூழ்க.

     6. பொ-ரை: தெரிவு செய்தது கணை ஒன்று. அக்கணை சென்று
உடன்எரியச்செய்தது முப்புரங்களை. முற்காலத்தில் அரிந்தது அழகிய
தாமரைமலர் மேல் உறையும் பிரமனின் தலையை. விரும்பி ஒரு பாகமாகப்
புனைந்தது உமையவளை. அத்தகையோன் பொழில்கள் சூழ்ந்த
அகத்தியான்பள்ளி இறைவன் ஆவான்.

     கு-ரை: தெரி(ஆராய்)ந்ததும் கணை(-பாணம்). ஒன்றை ஒரு 
சேரச்சென்று எரித்ததும் திரிபுரத்தை, முன் அரிந்ததும் அழகு