5. பொ-ரை: பனிபடர்ந்த மலைக்கு மன்னாகிய இமவானின்
மருமகனும், குபேரனோடு தோழமை கொண்ட பகவனும், இனியன
அல்லாதவற்றையும் இனிதாக ஏற்று அருள் நல்குபவனுமாகிய இறைவன்
இடமாகக் கொண்டருளும் தலம், முனிவர் குழாங்களோடு அந்தணர்கள்
வளர்க்கும் வேள்விப்புகை சென்று பரவி வளைந்த பிறையையும் வானையும்
மறைத்து நிறையும் கொச்சை வயமாகும்.

     கு-ரை: பனி.........மலைக்கு-இமாசலராசனுக்கு. குபேரன் சிவபிரானுக்குத்
தோழனாதல் பிரசித்தம். இனிக்காதவற்றையும் இனியவாசகச் செய்தருளும்
பெருமான். பிறப்பு இன்னாதது என்பது சர்வமத சம்மதம். அதனை
இனியதாகப் பலவுயிரும் விரும்புகின்றன. அவ்விருப்பம் மீண்டும் பிறப்பதற்கு
உரிய வினையாகின்றது. இது திருவருட்செயல், அணவி-கிட்டி. ‘வேள்விப்
புகையால் வானம் இருள் கூர் வெண்காடே’ (பதி.197 பா.7).

     6. பொ-ரை: புலித்தோலையும் கோவணத்தையும், தான் பெற்றுடைய
ஆடையாகக் கொண்டவனும், நினைக்கும் ஒருநொடிப்