7. பொ-ரை: செப்புப் போன்ற இள நகில்களை உடைய
உமைநங்கை ஒருபாகத்தே விளங்க விடையேறிவரும் செல்வனாகிய
சிவபிரான் தன்னை அடைந்த இளமதியையும், கங்கையையும் முடிமேல்
அணிந்தவனாய், என் உள்ளத்தின்கண் புகுந்து எழுந்தருளிய காரணத்தால்,
வெம்மை தண்மை வளி மிகுந்த பித்தம் வினைகள் இவற்றால் வரும்
துன்பங்கள் நம்மை வந்து நலியா. அடியார்களுக்கும் அவை நல்லனவே
செய்யும்.

     கு-ரை: செப்பு-சிமிழ். அடைவு ஆர்-அடைதலுற்ற. அப்பு-கங்கை.
வெப்பு-வெம்மை. சுரநோய் சிலேத்துமம்.

     வாதம்-வளி. பித்து-பித்தம். ‘மிகினும் குறையினும் நோய்செய்யும்
நூலோர் வளி முதலா எண்ணிய மூன்று’ (குறள். 941)

     8. பொ-ரை: மன்மதன் அழியுமாறு நெற்றி விழியைத்திறந்து எரித்து
விடைமீது உமைமங்கையோடும் உடனாய் இருந்து, முடிமிசை