ளாகிய உமையம்மை பங்கனும் ஆகிய எங்கள் அரனது ஊர்,
மலையிலிருந்து சந்தனம் அகில் ஆகியவற்றை அடித்து வந்து விளங்கும்
பொன்னியாற்றின் திரைகள் வீசும் வடகரையில் செறிந்த தேன் அடைகள்
ஆடும் திருமுல்லை வாயிலாகிய இத்தலமேயாகும்.

     கு-ரை: உரைவந்த பொன்னின் உருவந்தமேனி உமை-
கட்டளைக்கல்லில் மாற்று உரைக்கப்பெற்ற சிறந்த பொன்னிறம்
பொருந்திய திருமேனியை உடைய உமாதேவியார். தேறல்-தெளிதேன்.

     9. பொ-ரை: திருமேனி நீண்டு ஓடிவிளையாடலைப்
பொருந்திய முப்புரிநூலை உடையவன். வேதமுதல்வன். பிரமனும் திருமாலும்
தேடிக்காணாது திகைக்குமாறு உயர்ந்து நின்றோன். அவனது ஊர், காற்றில்
அசையும் நீலமலர்கள் நிறைந்து நிற்பதாய், கதிர் மிகுந்த செந்நெல்
வயல்களில் சேலும் வாளையும் குதிகொள்ளும் திருமுல்லைவாயிலாகிய
இத்தலமேயாகும்.

     கு-ரை: ‘மேலோடி. . . நூலன்’:- திருமார்பில் அனிந்த முப்புரிநூல்
அவனது திருமேனியில் திருத்தோள்மேல் ஓடி நீடும் விளையாடுதல்
மேவுதலை உணர்த்திற்று. விரிநூலன் என்பது சிவபிரான் என்னும்
பொருட்டாய் நின்றதென்றும், அவன் விளையாடல் மேவியவன் என்றும்
கொள்ளலும் பொருந்தும்.

     10. பொ-ரை: பனைபோன்ற திண்ணிய துதிக்கையை உடைய
மதயானையை உரித்த பரமன். நம்பால் அன்புடையவன். தன்