பொங்கு தண்புனல் சூழ்ந்து
     போதணி பொழிற்புக லூரில்
மங்குன் மாமதி தவழும்
     வர்த்தமா னீச்சரத் தாரைத்
தங்கு சீர்திகழ் ஞான
     சம்பந்தன் றண்டமிழ் பத்தும்
எங்கு மேத்தவல் லார்கள்
     எய்துவ ரிமையவ ருலகே.         11

      திருஞானசம்பந்தர் புராணம்

ஆங்கவர் போற்றுஞ் சிறப்பின் மேவி
     அப்பதி தன்னில் அமரு நாளில்
வாங்கு மலைச்சிலை யார்ம கிழ்ந்த
     வர்த்தமா னீச்சரந் தான்வணங்கி
ஓங்கிய அன்பின் முருக னார்தம்
     உயர்திருத்தொண்டு சிறப்பித் தோங்கும்
பாங்குடை வண்டமிழ் பாடி நாளும்
     பரமர்தம் பாதம் பணிந்தி ருந்தார்.

                              -சேக்கிழார்.