பதிக வரலாறு:

     137ஆவது பதிகத் தலைப்பிற் காண்க. திருவிராகம்

                       பண்: நட்டராகம்

                      திருச்சிற்றம்பலம்

     1. பொ-ரை: நம் பொருள், நம் மக்கள் என்று பற்றுச் செய்து நீர்
அழிந்தொழிந்து அல்லல் உறுதற்குமுன்னரே, தேவர் தலைவன், உத்தமன்,
ஒளிமிக்க செஞ்சடையை உடைய நம்பன் எழுந்தருளிய நன்னகராகிய
அழகிய காழிப்பதியை அடைவீர்களாக.

     கு-ரை: பொருட்பற்றாலும் மக்கட் பற்றாலும், லோகாந்தரம் சேர்ந்து,
துன்பம் அடைதற்கு முன்னமே சீகாழியைச் சேருங்கள் நீங்கள் என்று
உபதேசம் புரிந்தருள்வதை உணர்க. அம்பரம் அடைதல்;- நாதனார்
ஆணை உய்க்க நரகொடு சுவர்க்கம் போய்ச் சேர்தல்.

     2. பொ-ரை: பாவங்களைச் செய்யும் உள்ளத்தோடு இறைவனிடம்
பக்தி இன்றி நாள்தோறும் பயனற்றன செய்து இறப்பதன் முன்னம், நீர்
சிவபிரானிடம் அன்பு கொண்டு தீபம், மாலை, தூபம்