3180.	தேனலார் சோலைசூழ் தென்குடித் திட்டையைக்
	கானலார் கடிபொழில் சூழ்தருங் காழியுள் ஞானமார் ஞானசம் பந்தன செந்தமிழ் பானலார் மொழிவலார்க் கில்லையாம் பாவமே.    11

திருச்சிற்றம்பலம்

     பொழில் தண்தலை கொண்டல் ஆர் - சோலைகளின் குளிர்ந்த
உச்சியில் மேகங்கள் படியும்.

     11. பொ-ரை: தேன் துளிக்கும் மலர்களையுடைய சோலைகள் சூழ்ந்த
திருத்தென்குடித்திட்டையைப் போற்றி, கடற்கரையின்கண் அமைந்துள்ள
நறுமணமிக்க சோலைகள் சூழ்ந்த சீகாழியில் அவதரித்த, சிவஞானம் நிறைந்த
ஞானசம்பந்தன் அருளிய இச் செந்தமிழ்ப்பாக்களைப் பாடவல்லவர்கட்குப்
பாவம் இல்லை.

     கு-ரை: கானல் ஆர் - கடற்கரையின் கண்ணே பொருந்திய. கடி
பொழில் - வாசனையையுடைய பொழில் சூழ்ந்த காழி. பால்நல் ஆர் மொழி
- பால்போலும் நன்மை பயக்கும் மொழியாலாகிய. மாலை வல்லார்க்குப்
பாவம் இல்லையாம்.