பச்சைத் தோலை உரித்துப் போத்தருளியவரும், அழகிய இடமகன்ற உலகமுழுதானவருமாகிய பெருமான் உறையும் திருவதிகை வீரட்டத்தைக் (காணேனாயின்) என் கண்கள் இரவாயினும் ஆக, உறக்கம் கொள்ளுமோ?
     கு-ரை: செங்கண்மால் விடை சிவந்த கண்களை உடைய திருமாலாகிய எருது. ஈருரி-உரித்ததோல். அங்கண்-அழகிய இடமகன்ற. ஞாலமதாகிய-உலகத்ததாகிய. கங்குல் வீரட்டம் ஆக அல்லது என்க. இரவுப்பொழுதில் வீரட்டத்தை அடைந்தால் அல்லது என்பது கருத்து. அல்லது என்றது முன் பாடல்களிலிருந்து வருவிக்கப் பெற்றது.
     10.பொ-ரை: பூண், நாண், மாலை முதலியவற்றைப் பொருந்த உடையவரும், அழகிய மேருமலையாகிய வில்லிடை நாணுடன் கூடிய அம்பினால், பகைவர் மும்மதில்களை எய்தவர் உறையும் திருவதிகை வீரட்டத்தைக் காணேனாகில் என் கண்கள் உறக்கம் கொள்ளுமோ?
     கு-ரை: பொருந்த-தமக்கு ஏற்ற வரையில். பூண்-அணிகலன.் நாண்-பூணநூல் முதலிய கயிறுகள். ஆரம் -மலர்மாலைகள். நாக நாண்வரை வில்லிடை-இமயவில்லின் வாசுகிப் பாம்பாகிய நாணில். பேணார்-பகைவர்.
     11, பொ-ரை: மலைகளில் நிறைந்த வயிரத்தின் தொகுதியும் மாணிக்கமும் ஆகியவற்றைக்கொண்டு அலையார்ந்த புனல்