பக்கம் எண் :

1015
 
மீட்பானை வித்துருவின் கொத்தொப் பானை

வேதியனை வேதத்தின் பொருள்கொள் வீணை

கேட்பானைக் கீழ்வேளூ ராளுங் கோவைக்

கேடிலியை நாடுமவர் கேடி லாரே.

4

2760.நல்லானை நரைவிடையொன் றூர்தி யானை

நால்வேதத் தாறங்கம் நணுக மாட்டாச்

சொல்லானைச் சுடர்மூன்று மானான் தன்னைத்

தொண்டாகிப் பணிவார்கட் கணியான் தன்னை

வில்லானை மெல்லியலோர் பங்கன் தன்னை

மெய்யராய் நினையாதார் வினைகள் தீர்க்க

கில்லானைக் கீழ்வேளூ ராளுங் கோவைக்

கேடிலியை நாடுமவர் கேடி லாரே.

5


குழியிலிருந்து அடியேனை மீட்பவனாய், பவளக் கொத்தினை ஒத்தநிறத்தினனாய், வேதம் ஓதுபவனாய், வேதத்தின் பொருள் கொண்ட வீணை ஒலியைக் கேட்பானாய்க் கீழ்வேளூரை ஆளும் அரசனாய் உள்ள பெருமானை அடைக்கலமாக அடைந்த வர்கள் கேடிலாரே.

கு-ரை: தாள் பாவு - தண்டின்கண் விரிந்த. தயங்குவான் - விளங்குவான்; கமல மலரில் தயங்குபவன், பிரமன்; 'தங்குவானை' எனப் பாடம் ஓதுதல் சிறக்கும்."மாவிரதம்" என்றது, மாவிரத சமயத்தவர்க்கு உரிய வேடங்கள்; அவை, எலும்பு மாலை முதலியன. கோள் பாவும் நாள் - கோள்களின் உரிமை பொருந்தியநாள்; கிழமைகள். 'நின்றால்' என்றதனால், நில்லாமை பெறப்பட்டது. அவ்வாறன்றி, 'யாதானுமோராற்றால் நின்றாலும் மீட்பான்' என்றதாம். வித்து உரு - வித்தாகிய உருக்கள்; 'அவற்றின் கொத்து ஒப்பான்' என்றது, 'எல்லாப் பொருள்களின் முதலும் தானேயானவன்' என்றவாறு; இனி, 'வித்துருமத்தின் கொத்து' என்பது குறைந்து நின்றது எனினுமாம். வித்துருமம் -பவளம். "வீணை" என்றது, கருவியாகு பெயராய், அதன் இசையைக் குறித்தது.

5. பொ-ரை: பெரியவனாய், வெண்ணிறக் காளை வாகனனாய், நான்கு வேதங்களும் ஆறு அங்கங்களும் அணுகமாட்டாத அருள் ஞானத்தானாய், மூன்று சுடர்களும் ஆனவனாய், தொண்டர்களாகித் தன்னைப்